Chalo Madine Chalte Hain

Chalo dayar-e-Nabi ki janib durood lab pe saja saja kar Baharein lootein ge hum karam ki dilon ko daman bana bana kar Chalo Madine chalte hain chalo Madine chalte hain

Na aap jaisa sakhi hai koi na jaisa ghani hai koi Woh benawaon ko har jagah se nawazte hain bula bula kar Chalo Madine chalte hain chalo Madine chalte hain

Yehi asas-e-amal hai meri isi se bigri bani hai meri Sameet-ta hoon karam Khuda ka Nabi ki naatein suna suna kar Chalo Madine chalte hain chalo Madine chalte hain

Hai un ki ummat se pyaar kitna karam hai rehmat-e-shi'ar kitna Hamare jurmon ko dho rahe hain Huzoor aansoo baha baha kar Chalo Madine chalte hain chalo Madine chalte hain

Main woh bhikari hoon jis ki jholi mein koi husn-e-amal nahi hai Magar woh ehsan kar rahe hain khataein meri chupa chupa kar Chalo Madine chalte hain chalo Madine chalte hain

Never Be Without Your Favorite Lyrics - Get the App for Offline Access!

Woh aaina hai rukh-e-Muhammad ﷺ ki jis ka jauhar jamal-e-Rabb hai Main dekh leta hoon saare jalwe tasawwur un ka jama jama kar Chalo Madine chalte hain chalo Madine chalte hain

Agar muqaddar ne yavari ki agar Madine gaya main Khalid Qadam qadam khaak us gali ki main choom loon ga utha utha kar Chalo Madine chalte hain chalo Madine chalte hain