Bayan Tum Se Karun

Bayaan tum se karoon kis waaste main apni haalat ka Ke jab tum par ayaan hai haal har dam saari khilqat ka

Khudaai bhar ke maalik ho khudaai tum se baahar hai Na koi hai na hoga hashr tak tum si hukoomat ka

Na kyon shah-o-gadaa phailaayein jholi aastaane par Ke rakha Haq ne tere sar pe taaj apni niyaabat ka

Tu wo hai zill-e-Haq noor-e-mujasam parto-e-qudrat Pasand aaya tere Saane' ko naqsha teri soorat ka

Mere Waali tere sadqe mein hum se naabkaaron ne Laqab Quran mein paaya hai Khuda se khair-e-ummat ka

Unhein kya khauf ho uqba ka aur kya fikr-e-dunya ki Jamaaye baithe hain jo dil pe naqsha teri soorat ka

Sharaf bakhsha unhein Maula Ta'ala ne malaaik par Sila paaya ye Jibreel-e-Ameen ne teri khidmat ka

Find Your Favorite Lyrics Anytime, Anywhere - Install the App Today!

Madine mein hazaaron jannatein un ko nazar aayin Nazaara kar to lein ik baar Rizwan meri jannat ka

Raja-o-yaas-o-umeed-o-tamanna dil ke andar hain Mera seena nahin goya ke ganjina hai hasrat ka

Na aabid hain na zaahid hain magar hum tere bande hain Sahaara hai hamein teri himayat ka shafa'at ka

Rasoolullah ka jo hogaya Rab hogaya us ka Faqat zaat-e-muqaddas hai waseela Haq ki qurbat ka

Bulandi-e-falak ka jab kabhi mujh ko khayaal aaya Khicha naqsha meri aankhon mein rauze ki ziyaarat ka

Bajuz deedaar jaa sakti hai kyonkar tishnagi us ki Jo pyaasa hai mere Maula teri ru'yat ke sharbat ka

Wo gesoo-e-mubarak kyon na jaan-e-mushk-o-ambar hon Ke jin ke waaste shaana bana hai dast-e-qudrat ka

Abas hai us ko Ahle Bait se da'wa-e-mohabbat ka Jo munkir hogaya Siddiq-e-Akbar ki khilaafat ka

Munafiq jis qadar chaahein karein koshish ghataane ki Qayamat tak rahega bol baala Ahl-e-Sunnat ka

Abu Jahl-e-la'een aalam hai jis ke kufr par shaahid Ta'ajjub kya agar dushman tha wo shaan-e-risaalat ka

Wahabi kalma padh kar karte hain tauheen-e-Maula ki Baroz-e-hashr le kar aayenge tamgha-e-adaawat ka

Wahabi tukhm-e-Abu Jahl-e-la'een ka ek pauda hai Samar laata hai Mehboob-e-Ilahi ki adaawat ka

Uloom-e-ghaib ka munkir teri tanqees ka jootyaan Wahabi ban gaya putla zalaalat ka khabaasat ka

Jameel-e-Qadri ki Ya Nabi itni tamanna hai Chupa le roz-e-mahshar us ko daaman teri rehmat ka