Bani e Daur e Jadeed

بانیِ دور جدید مصطفؐےٰ ہیں مصطفؐےٰ آخرت تک کی نوید مصطفؐےٰ ہیں مصطفؐےٰ

ہاتھ میں رحمت کے پھول لب پہ قرآنی اصول جتنے نرم اتنے شدید مصطفؐےٰ ہیں مصطفؐےٰ

وارثِ اوج و کمال قاسمِ حسن و جمال صاحب قطع و برید مصطفؐےٰ ہیں مصطفؐےٰ

Offline Lyrics Anytime, Anywhere - Download the App Today!

ہر عدم عینِ وجود غیب بھی اصلِ شہود واقفِ نزد و بعید مصطفےٰؐ ہیں مصطفےٰؐ

جہل کو رد کردیا، علم مقصد کردیا ارتقاؤں کی نوید مصطفےٰؐ ہیں مصطفےٰؐ

جانِ دنیا روحِ دیں، رحمت اللّعالمیں عشقِ ایماں حسنِ دید مصطفےٰؐ ہیں مصطفےٰؐ

بھیج کر اُن پر سلام ان سے کرتا ہوں کلام میرا روزہ میری عید مصطفےٰؐ ہیں مصطفےٰؐ

سوئے حق بڑھتا رہوں رات دن پڑھتا رہوں میرا قرآنِ مجید مصطفےٰؐ ہیں مصطفےٰؐ