Bagh e Jannat Mein Nirali

Bagh-e-Jannat mein nirali chaman araai hai Kya Madinah pe fida ho ke bahar aai hai

Un ke gesu nahi rahmat ki ghata chhai hai Un ke abru nahi do qiblon ki yakjaai hai

Sangrezon ne hayat-e-abadi paai hai Nakhunon mein tere ijaz-e-masihaai hai

Sar-e-baalin unhein rahmat ki ada laai hai Haal bigra hai to bimar ki ban aai hai

Jaan-e-guftar to raftar hui ruh-e-rawan Dam-e-qadam se tere ijaz-e-masihaai hai

Jis ke hathon ke banaye huye hain husn-o-jamal Ae haseen teri ada us ko pasand aai hai

Tere jalwon mein yeh alam hai ke chashm-e-alam Tab-e-deedar nahi phir bhi tamashaai hai

Find Your Favorite Lyrics Anytime, Anywhere - Install the App Today!

Jab teri yaad mein duniya se gaya hai koi Jaan lene ko dulhan ban ke qaza aai hai

Sar se pa tak teri surat pe tasadduq hai jamal Is ko mauzuni-e-aaza yeh pasand aai hai

Tere qadmon ka tabarruk yad-e-baiza-e-Kaleem Tere hathon ka diya fazl-e-masihaai hai

Dard-e-dil kis ko sunaun main tumhare hote Bekason ki isi sarkar mein sunwaai hai

Aap aaye to munawwar huin andhi aankhein Aap ki khak-e-qadam surma-e-binaai hai

Natwani ka alam hum zuafa ko kya ho Hath pakre huye Maula ki tawanai hai

Jaan di tu ne masiha-o-masihaai ko Tu hi to jaan-e-masiha-o-masihaai hai

Chashm-e-be-khwab ke sadqe mein hain bedar naseeb Aap jage to hamein chain ki neend aai hai

Bagh-e-Firdaus khula farsh bicha arsh saja Ik tere dam ki yeh sab anjuman araai hai

Khet sar-sabz huye phool khile mail dhule Aur phir fazl ki ghanghor ghata chhai hai

Hath phailaye huye daur pare hain mangta Mere Data ki sawari sar-e-hashr aai hai

Na-umido tumhein mujda ke Khuda ki rahmat Unhein mahshar mein tumhare hi liye laai hai

Farsh se arsh tak ik dhoom hai Allah Allah Aur abhi saikron pardon mein woh zebai hai

Ae Hasanؔ husn-e-jahan tab ke sadqe jaun Zarre zarre se ayan jalwa-e-zebai hai