Aye Rahat Jaan Jo Tere

Ae rahat-e-jaan jo tire qadmon se laga ho Kyun khaak basar surat-e-naqsh-e-kaf-e-pa ho

Aisa na koi hai na koi ho na hua ho Saya bhi to ik misl hai phir kyun na juda ho

Allah ka mehboob bane jo tumhein chahe Us ka to bayan hi nahi kuch tum jise chaho

Dil sab se utha kar jo para ho tire dar par Uftad-e-do-alam se talluq use kya ho

Us haath se dil-sokhta jaano ke hare kar Jis se rutb-e-sokhta ki nashonuma ho

Har saans se nikle gul-e-firdous ki khushbu Gar aks-e-fagan dil mein woh naqsh-e-kaf-e-pa ho

Us dar ki taraf is liye meezab ka munh hai Woh qibla-e-konain hai yeh qibla numa ho

Bechain rakhe mujh ko tira dard-e-mohabbat Mit jaye woh dil phir jise arman-e-dawa ho

Yeh meri samajh mein kabhi aa hi nahi sakta Iman mujhe phere ko tu ne diya ho

Is ghar se ayan noor-e-Ilahi ho hamesha Tum jis mein ghari bhar ke liye jalwa numa ho

Maqbool hain abru ke ishare se duayein Kab teer kamandar-e-nubuwwat ka khata ho

Your Lyrics, Even Offline - Install the App for Free!

Ho silsila-e-ulfat ka jise zulf-e-Nabi se Uljhe na koi kaam na paband-e-bala ho

Shukr ek karam ka bhi ada ho nahi sakta Dil un pe fida jaan-e-Hassan un pe fida ho