Aye Rahat Jaan Jo Tere Qadmon

Ae rahat-e-jaan jo tire qadmon se laga ho Kyun khaak basar surat-e-naqsh-e-kaf-e-pa ho

Aisa na koi hai na koi ho na hua ho Saya bhi to ik misl hai phir kyun na juda ho

Allah ka mehboob bane jo tumhein chahe Us ka to bayaan hi nahin kuch tum jise chaho

Dil sab se utha kar jo para ho tire dar par Uftaad-e-do aalam se talluq use kya ho

Us haath se dil-sokhta jaanon ke hare kar Jis se rutb-e-sokhta ki nashonuma ho

Why Screenshot When You Can Download? Get the App for Efficient Storage!

Har saans se nikle gul-e-firdaus ki khushbu Gar aks-e-fagan dil mein woh naqsh-e-kaf-e-pa ho

Us dar ki taraf is liye meezab ka munh hai Woh qibla-e-konain hai yeh qibla-numa ho

Be-chain rakhe mujh ko tira dard-e-mohabbat Mit jaye woh dil phir jise armaan-e-dawa ho

Yeh meri samajh mein kabhi aa hi nahin sakta Imaan mujhe phere ko tu ne diya ho

Is ghar se ayan noor-e-ilahi ho hamesha Tum jis mein ghari bhar ke liye jalwa-numa ho

Maqbool hain abru ke ishare se duayen Kab teer kamandaar-e-nabuwwat ka khata ho

Ho silsila-e-ulfat ka jise zulf-e-Nabi se Uljhe na koi kaam na paaband-e-bala ho

Shukr ek karam ka bhi ada ho nahin sakta Dil un pe fida jaan-e-Hasan un pe fida ho