Aye Kareem Ibn e Kareem

Ae Kareem ibn-e-Kareem ae rehnuma ae muqtada Akhtar-e-burj-e-sakhawat gauhar-e-durj-e-ata

Aastanay par teray hazir hai yeh tera gada Laaj rakh lay dast-o-daman ki meray bahar-e-Khuda

Ru-e-rehmat barmataab ae kaam-e-jaan az ru-e-man Hurmat-e-ruh-e-Payambar yak nazar kun su-e-man

Shah-e-iqleem-e-wilayat sarwar-e-kaivan janaab Hai tumharay aastanay ki zameen gardoon qabaab

Hasrat-e-dil ki kashakash say hain lakhon iztiraab Iltija maqbool keejay apnay sail ki shataab

Ru-e-rehmat barmataab ae kaam-e-jaan az ru-e-man Hurmat-e-ruh-e-Payambar yak nazar kun su-e-man

Salik-e-rah-e-Khuda ko rehnuma hai teri zaat Maslak-e-irfan-e-haq mein peshwa hai teri zaat

Be-nawayan-e-jahan ka aasra hai teri zaat Tishna kaamon kay liye bahr-e-ata hai teri zaat

Ru-e-rehmat barmataab ae kaam-e-jaan az ru-e-man Hurmat-e-ruh-e-Payambar yak nazar kun su-e-man

Har taraf say fauj-e-gham ki hai charhai al-ghiyas Karti hai paamaal yeh be-dast-o-pai al-ghiyas

Phir gayi hai shakal-e-qismat sab khudai al-ghiyas Ae meray faryad-ras teri duhai al-ghiyas

Ru-e-rehmat barmataab ae kaam-e-jaan az ru-e-man Hurmat-e-ruh-e-Payambar yak nazar kun su-e-man

Nafs-e-ammarah kay phanday mein phansa hoon al-iyadh Dar tera be-kas panah koocha tera aalam-e-maladh

Rehm farma ya malazi lutf farma ya ma'adh Hazir-e-dar hai ghulam-e-aastaan bahar-e-nawaz

Ru-e-rehmat barmataab ae kaam-e-jaan az ru-e-man Hurmat-e-ruh-e-Payambar yak nazar kun su-e-man

Shehryar ae zi-waqar ae baagh-e-aalam ki bahaar Bahr-e-ihsaan rusha-e-nesan-e-jood-e-kardigar

Hoon khazan-e-gham kay hathon paamaali say dochar Arz karta hoon teray dar par ba-chashm-e-ashkbar

Ru-e-rehmat barmataab ae kaam jaan az ru-e-man Hurmat-e-ruh-e-Payambar yak nazar kun su-e-man

Bar sar-e-parkhash hai mujh say adu-e-be-tamiz Raat din hai darpay-e-qalb-e-hazeem nafs-e-rajeez

Mubtala hai sau balaon mein meri jaan-e-aziz Hal-e-mushkil aap kay agay nahi dushwar cheez

Ru-e-rehmat barmataab ae kaam-e-jaan az ru-e-man Hurmat-e-ruh-e-Payambar yak nazar kun su-e-man

Ik jahan sairab-e-faiz-e-abr hai ab ki baras Tarnawa hain bulbulain parta hai gosh-e-gul mein ras

Hai yahan kasht-e-tamanna khushk-o-zindan-e-qafas Ae sahab-e-rehmat-e-Haq sookhay dhanon par baras

Ru-e-rehmat barmataab ae kaam jaan az ru-e-man Hurmat-e-ruh-e-Payambar yak nazar kun su-e-man

Fasl-e-gul aayi aroosan-e-chaman hain sabz posh Shadmani ka nawasanjan-e-gulshan mein hai josh

Jobanon par aa gaya husn-e-bahar-e-gul farosh Haaye yeh rang aur mein yun daam mein gum kardah hosh

Ru-e-rehmat barmataab ae kaam-e-jaan az ru-e-man Hurmat-e-ruh-e-Payambar yak nazar kun su-e-man

Munkashif kis par nahi shaan-e-mualla ka urooj Aftab-e-haq-numa ho tum ko hai zaiba urooj

Main hazeez-e-gham mein hoon imdad ho shaha urooj Har tarraqi par tarraqi ho barhay doona urooj

Ru-e-rehmat barmataab ae kaam jaan az ru-e-man Hurmat-e-ruh-e-Payambar yak nazar kun su-e-man

Ta-kuja ho paamal-e-lashkar-e-afkar-e-ruh Ta-bakay tarsaan rahay be-munes-o-ghamkhwar-e-ruh

Ho chali hai kawish-e-gham say nihayat zaar ruh Talib-e-imdad hai har waqt ae dildar ruh

Ru-e-rehmat barmataab ae kaam-e-jaan az ru-e-man Hurmat-e-ruh-e-Payambar yak nazar kun su-e-man

Dabdaba mein hai falak shaukat tera ae mah-e-kaakh Dekhtay hain topiyan thamay gada-o-shah-e-kaakh

Qasr-e-jannat say fazoon rakhta hai izzo jah-e-kaakh Ab dikha day deedah-e-mushtaq ko lillah kaakh

Ru-e-rehmat barmataab ae kaam jaan az ru-e-man Hurmat-e-ruh-e-Payambar yak nazar kun su-e-man

Toba sail aur teray dar say paltay namurad Hum ne kya dekhay nahi ghamgeen aatay jatay shaad

Aastanay kay gada hain Qaiser-o-Kisra Qubad Ho kabhi lutf-o-karam say bandah-e-muztar bhi yaad

Ru-e-rehmat barmataab ae kaam-e-jaan az ru-e-man Hurmat-e-ruh-e-Payambar yak nazar kun su-e-man

Dekh kar is nafs-e-bad khaslat ki yeh zashti-e-khawas Soz-e-gham say dil pighalta hai mera shakal-e-risas

Kis say mangoon khoon-e-hasrat haaye kushta ka qasas Mujh ko is moozi kay changal say ata keejay khalaas

Ru-e-rehmat barmataab ae kaam jaan az ru-e-man Hurmat-e-ruh-e-Payambar yak nazar kun su-e-man

Ek to nakhun-badal hai shiddat-e-afkar-e-qarz Is par aada ne nishanah kar liya hai mujh ko farz

Farz ada ho ya na ho lekin mera aazar farz Rad na farmao Khuda kay wastay sail ki arz

Ru-e-rehmat barmataab ae kaam-e-jaan az ru-e-man Hurmat-e-ruh-e-Payambar yak nazar kun su-e-man

Nafs-o-shaitan mein barhay hain sau tarah kay ikhtilat Har qadam dar-pesh hai mujh ko tariq-e-pul-e-sirat

Bhooli bhooli si kabhi yaad aati hai shakal-e-nishat Pesh-e-baar-e-koh-e-kaah-e-natwan ki kya basat

Ru-e-rehmat barmataab ae kaam jaan az ru-e-man Hurmat-e-ruh-e-Payambar yak nazar kun su-e-man

Aafton mein phans gaya hai bandah-e-dar al-hafeez Jaan say sau kaahishon mein dam hai muztar al-hafeez

Why Screenshot When You Can Download? Get the App for Efficient Storage!

Ek qalb-e-natwan hai lakh nashtar al-hafeez Al-madad ae dad-ras ae bandah-parwar al-hafeez

Ru-e-rehmat barmataab ae kaam-e-jaan az ru-e-man Hurmat-e-ruh-e-Payambar yak nazar kun su-e-man

Subh-e-sadiq ka kinare-e-aasman say hai tulu Dhal chuka hai soorat-e-shab husn-e-rukhsar-e-shamoo

Tairon ne aashiyanon mein kiye naghmay shuru Aur nahin aankhon ko ab tak khwab-e-ghaflat say rujoo

Ru-e-rehmat barmataab ae kaam jaan az ru-e-man Hurmat-e-ruh-e-Payambar yak nazar kun su-e-man

Badliyan chhaayin hawa badli huay shadab baagh Ghunchay chatkay phool mehkay bas gaya dil ka dimagh

Aah ae jaur-e-qafas dil hai keh mehroomi ka daagh Wah ae lutf-e-saba gul hai tamanna ka chiragh

Ru-e-rehmat barmataab ae kaam-e-jaan az ru-e-man Hurmat-e-ruh-e-Payambar yak nazar kun su-e-man

Aasman hai qaus-e-fikrain teer mera dil hadaf Nafs-o-shaitan har ghari kaf-ba-lab-o-khanjar-ba-kaf

Muntazir hoon main keh ab aayi sada-e-la takhaf Sarwar-e-deen ka tasaduq bahar-e-sultan-e-Najaf

Ru-e-rehmat barmataab ae kaam jaan az ru-e-man Hurmat-e-ruh-e-Payambar yak nazar kun su-e-man

Barh chala hai aaj kal ahbab mein josh-e-nifaq Khush-mazaqan-e-zamana ho chalay hain bad-mazaq

Saikron pardon mein poshidah hai husn-e-ittifaq Bar sar-e-paikar hain agay jo thay ahl-e-wifaq

Ru-e-rehmat barmataab ae kaam-e-jaan az ru-e-man Hurmat-e-ruh-e-Payambar yak nazar kun su-e-man

Dar darindon ka andheri raat sehra haul-naak Raah na maloom ra'asha paon mein lakhon maghaak

Dekh kar abr-e-siyah ko dil hua jata hai chaak Aaiye imdad ko warna main hota hoon halak

Ru-e-rehmat barmataab ae kaam jaan az ru-e-man Hurmat-e-ruh-e-Payambar yak nazar kun su-e-man

Ek aalam par nahin rehta kabhi aalam ka haal Har kamalay ra zawal-o-har zawalay ra kamal

Barh chukin shab-ha-e-furqat ab to ho roz-e-wisal Mehr idhar munh kar keh meray din phirain dil ho nihaal

Ru-e-rehmat barmataab ae kaam-e-jaan az ru-e-man Hurmat-e-ruh-e-Payambar yak nazar kun su-e-man

Go charhai kar rahay hain mujh par andoh-o-alam Go payapaye ho rahay hain ahl-e-aalam kay sitam

Par kahin chhoota hai tera aastan teray qadam Charah-e-dard-e-dil-e-muztar karain teray karam

Ru-e-rehmat barmataab ae kaam jaan az ru-e-man Hurmat-e-ruh-e-Payambar yak nazar kun su-e-man

Hain kamar basta adawat par bahut ahl-e-zaman Ek jaan-e-natwan lakhon alam lakhon mihan

Sun lay faryad-e-Hasan farma day imdad-e-Hasan Subh-e-mehshar tak rahay abad teri anjuman

Ru-e-rehmat barmataab ae kaam-e-jaan az ru-e-man Hurmat-e-ruh-e-Payambar yak nazar kun su-e-man

Hai teray altaf ka charcha jahan mein chaar su Shehrah-e-aafaq hain yeh khaslatain yeh nek khu

Hai gada ka haal tujh par aashkara mo-ba-mo Aaj kal gheray huay hain chaar janib say adu

Ru-e-rehmat barmataab ae kaam jaan az ru-e-man Hurmat-e-ruh-e-Payambar yak nazar kun su-e-man

Shaam hai nazdeek manzil door main gum kardah raah Har qadam par partay hain is dasht mein khas-posh jaah

Koi saathi hai na rehbar jis say hasil ho panah Ashk aankhon mein qalaq dil mein labon par aah aah

Ru-e-rehmat barmataab ae kaam-e-jaan az ru-e-man Hurmat-e-ruh-e-Payambar yak nazar kun su-e-man

Taaj walon ko mubarak taaj-e-zar takht-e-shahi Badshah lakhon huay kis par phali kis ki rahi

Main gada thehroon tera meri isi mein hai bahi Zill-e-daman-e-khak-e-dar deehim-o-afsar hai yahi

Ru-e-rehmat barmataab ae kaam-e-jaan az ru-e-man Hurmat-e-ruh-e-Payambar yak nazar kun su-e-man