Allah Allah Shah e Konain

Allah Allah Shah-e-Konain jalalat teri Farsh kya arsh pe jaari hai hukumat teri

Jholiyan khol ke be-samjhe nahin daur aaye Hamein maaloom hai daulat teri aadat teri

Tu hi hai mulk-e-Khuda milk-e-Khuda ka maalik Raaj tera hai zamana mein hukumat teri

Tere andaaz yeh kehte hain ke Khaaliq ko tere Sab haseenon mein pasand aayi hai surat teri

Us ne haq dekh liya jis ne idhar dekh liya Keh rahi hai yeh chamakti hui tal'at teri

Bazm-e-mahshar ka na kyun jaaye bulaawa sab ko Ke zamana ko dikhaani hai wajaahat teri

Aalam-e-rooh pe hai aalam-e-ajsaam ko naaz Chaukhatte mein hai anaasir ke jo surat teri

Jin ke sar mein hai hawa dasht-e-Nabi ki Rizwan Un ke qadmon se lagi phirti hai jannat teri

Tu woh mehboob hai ae rahat-e-jaan dil kaise Hezam-e-khushk ko tarpa gayi furqat teri

Mah-o-khursheed se din raat ziya paate hain Mah-o-khursheed ko chamkaati hai tal'at teri

Gathriyan bandh gayin par haath tera band nahin Bhar gaye dil na bhari dene se niyat teri

Maut aa jaaye magar aaye na dil ko aaraam Dam nikal jaaye magar nikle na ulfat teri

Dekhne waale kaha karte hain Allah Allah Yaad aata hai Khuda dekh ke surat teri

Majma-e-hashr mein ghabraayi hui phirti hai Dhoondne nikli hai mujrim ko shafa'at teri

Na abhi arsa-e-mahshar na hisab-e-ummat Aaj hi se hai kamar-basta himaayat teri

Tu kuch aisa hai ke mahshar ki museebat waale Dard dukh bhool gaye dekh ke surat teri

Topiyan thaam ke gar arsh-e-bareen par dekhein Oonche oonchon ko nazar aaye na rif'at teri

Husn hai jis ka namak-khwaar woh aalam tera Jis ko Allah kare pyaar woh surat teri

Get Lyrics On-The-Go! Download Our App Now!

Dono aalam ke sab armaan nikaale tu ne Nikli is shaan-e-karam par bhi na hasrat teri

Chain paayenge tarapte hue dil mahshar mein Gham kise yaad rahe dekh ke surat teri

Hum ne maana ke gunaahon ki nahin had lekin Tu hai un ka to Hasan tere hai jannat teri