Ajab Rang Par Hai Bahar e Madina

عجب رنگ پر ہے بہارِ مدینہ کہ سب جنتیں ہیں نثارِ مدینہ

مبارک رہے عندلیبو تمہیں گل ہمیں گل سے بہتر ہے خارِ مدینہ

مری خاک یا رب نہ برباد جاۓ پسِ مرگ کر دے غبارِ مدینہ

ملائک لگاتے ہیں آنکھوں میں اپنی شب و روز خاکِ مزارِ مدینہ

جدھر دیکھۓ باغ جنت کھلا ہے نظر میں ہیں نقش ونگارِ مدینہ

بنا آسماں منزلِ ابنِ مریم گۓلامکاں تاجدار مدینہ

شرف جن سے حاصل ہوا انبیاء کو وہی ہے حسنؔ افتخارِ مدینہ