Ajab Karam Shah e Wala

Ajab karam Shah-e-Wala tabar karte hain Ke na-umeedon ko umeedwar karte hain

Stop Wasting Storage - Download Lyrics in Lightweight Text Format!

Jama ke dil mein safain hasrat-o-tamanna ki Nigah-e-lutf ka hum intezar karte hain

Mujhe fasurdagi-e-bakht ka alam kya ho Woh ek dam mein khizan ko bahar karte hain

Khuda sugan-e-Nabi se yeh mujh ko sunwa de Hum apne kutton mein tujh ko shumar karte hain

Malaika ko bhi hain kuch fazileten hum par Ke paas rehte hain tauf-e-mazar karte hain

Jo khush-naseeb yahan khak-e-dar pe baithte hain Jaloos-e-masnad-e-shahi se aar karte hain

Hamare dil ki lagi bhi wahi bujha denge Jo dam mein aag ko bagh-o-bahar karte hain

Ishara kar do to baad-e-khilaf ke jhonke Abhi hamare safeene ko paar karte hain

Tumhare dar ke gadaon ki shaan aali hai Woh jis ko chahte hain tajdar karte hain

Gada gada hai gada to kya hi chahe adab Bade bade tere dar ka waqar karte hain

Tamam khalq ko manzoor hai Raza jin ki Raza huzoor ki woh ikhtiyar karte hain

Suna ke wasf-e-rukh-e-pak andaleeb ko hum Raheen-e-aamad-e-fasl-e-bahar karte hain

Hawa khilaf ho chakraye nao kya gham hai Woh ek aan mein bede ko paar karte hain

Ana laha se woh bazar-e-kasm-puran mein Tasalli-e-dil-e-be-ikhtiyar karte hain

Banayi pusht na Kaaba ki un ke ghar ki taraf Jinhein khabar hai woh aisa waqar karte hain

Kabhi woh tajwaran-e-zamana kar na saken Jo kaam aap ke khidmat guzar karte hain

Hawaye daman-e-janan ke jaan-faza jhonke Khizan raseedon ko bagh-o-bahar karte hain

Sugan-e-koo-e-Nabi ke naseeb par qurbaan Pade huye sar-e-reh iftikhar karte hain

Koi yeh pooche mere dil se meri hasrat se Ke toote haal mein kya gham-gusaar karte hain

Woh un ke dar ke faqiron se kyun nahin kehte Jo shikwa-e-sitam-e-rozgar karte hain

Tumhare hijr ke sadmon ki taab kis ko hai Yeh chob-e-khushk ko bhi be-qarar karte hain

Kisi bala se unhein pahunche kis tarah aaseeb Jo tere naam se apna hisaar karte hain

Yeh narm dil hain woh pyare ke sakhtiyon par bhi Adu ke haq mein dua baar baar karte hain

Kashood-e-uqda-e-mushkil ki kyun main fikr karoon Yeh kaam to mere Taiba ke khaar karte hain

Zameen koo-e-Nabi ke jo lete hain bose Farishtagan-e-falak un ko pyar karte hain

Tumhare dar pe gada bhi hain haath phailaye Tumhin se arz-e-dua shahryar karte hain

Kise hai deed-e-jamal-e-Khuda-pasand ki taab Woh poore jalwe kahan aashkar karte hain

Hamare nakhl-e-tamanna ko bhi woh phal denge Darakht khushk ko jo baar-daar karte hain

Pade hain khwab-e-taghaful mein hum magar Maula Tarah tarah se hamein hoshiyar karte hain

Suna na marte huye aaj tak kisi ne unhein Jo apne jaan-o-dil un par nisar karte hain

Unhein ka jalwa sar-e-bazm dekhte hain patang Unhein ki yaad chaman mein hazar karte hain

Mere Kareem na aahoo ko qaid dekh sake Abas aseer-e-alam-e-intishar karte hain

Jo zarre aate hain paye huzoor ke neeche Chamak ke mehr ko woh sharmsaar karte hain

Jo moye pak ko rakhte hain apni topi mein Shuja'atein woh dam-e-karzar karte hain

Jidhar woh aate hain ab is mein dil hon ya raahein Mahak se gesuon ki mushkbar karte hain

Hassan ki jaan ho us wus'at-e-karam pe nisar Ke ik jahan ko umeedwar karte hain