Ab Meri Nigahon Main Jachta
Khalid Mehmood Khalid
Ab meri nigahon mein jachta nahi koi Jaise mere Sarkar hain aisa nahi koi
Tum sa to haseen aankh ne dekha nahi koi Yeh shan-e-latafat hai ke saya nahi koi
Ae zarf-e-nazar dekh magar dekh adab se Sarkar ka jalwa hai tamasha nahi koi
Free Up Space - Get Lyrics Without Bulky Screenshots!
Yeh tajurba-e-imaan hai ae Rahmat-e-Aalam Faryad tumhare siwa sunta nahi koi
Yeh Toor se kehti hai abhi tak shab-e-Meraj Deedar ki taqat ho to parda nahi koi
Woh aankh jo roti hai ishq-e-Nabi mein Us aankh se raposh to jalwa nahi koi
Aizaz yeh hasil hai to hasil hai zameen ko Aflak pe to Gumbad-e-Khizra nahi koi
Hota hai jahan zikr Muhammadﷺ ke karam ka Us bazm mein mehroom-e-tamanna nahi koi
Sarkar ki rehmat ne magar khoob nawaza Yeh sach hai ke Khalid sa nikamma nahi koi
© 2026 Midhah Lyrics. All rights reserved