Ya Ilahi Baraye Aal e Rasool

Ya Ilahi baraye Aal-e-Rasool Dil mein bharde walaye Aal-e-Rasool

Sookhay dhanon pe bhi baras jaaye Abr-e-jood-o-sakhaye Aal-e-Rasool

Sar se qurban tujh pe aankhon se Aankhen sar se fidaye Aal-e-Rasool

Sahaq-e-na'lain ragra aankhon ka Tootiya khakpaye Aal-e-Rasool

Meri bigri bani hai tere haath Tu hi bigri banaye Aal-e-Rasool

Tujh se jis ko mila milay pyaray Tujh se jo paaye paaye Aal-e-Rasool

Tezi-e-mehr-e-hashr ka kya khauf Main hoon zer-e-liwaye Aal-e-Rasool

Badshah hain gada tere dar ke Hoon gadaye gadaye Aal-e-Rasool

Taj walon ka taj-e-izzat hai Kehna na'lain paye Aal-e-Rasool

Thandi thandi naseem-e-Marehrah Dil ki kaliyan khilaye Aal-e-Rasool

Bheeni bheeni si mast khushbu se Dil ki kaliyan basaye Aal-e-Rasool

Tayyib-e-Tayyibah mein hain basi kaliyan Mehki gulgoon qabaye Aal-e-Rasool

Bhooley bhatkon ka Khizr hi toh hai Rasta par lagaye Aal-e-Rasool

Offline Lyrics Anytime, Anywhere - Download the App Today!

Sabz gumbad pe ur ke ja baithoon Shauq ke par lagaye Aal-e-Rasool

Khak meri uray jo ba'd-e-fana Madani ho hawaye Aal-e-Rasool

Ab toh gadiyah garon ki chandi hai Hain kharay sikkahaye Aal-e-Rasool

Khum se aasan jamaye dar pe gada Koi pyala pilaye Aal-e-Rasool