Dil Mera Gudgudati Rahi Arzoo

Dil mera gudgudati rahi aarzoo Aankh phir phir ke karti rahi justaju

Arsh ta farsh dhoond aaya main tujh ko tu Nikla aqrab-e-hablil wareed galu

Allah, Allah, Allah, Allah

Tairaan-e-chaman ki chehak wahdahu Naghma bulbul ka hai la shareeka lahu

Qumriyon ka tarana hai la ghairahu Zamzama tootiy ka huwah, huwah, huwah

Allah, Allah, Allah, Allah

Bulbulon ko chaman mein rahi justaju Papeeha kehta phira "pee kahan" su-ba-su

Par na chatka kahin ghuncha-e-aarzoo Haan mila to mila mere dil hi mein tu

Allah, Allah, Allah, Allah

Shahidaan-e-chaman ne lab-e-aab-e-joo Aab-e-gul se naha kar ke taza wazu

Halqa-e-zikr gul ke kiya ru-ba-ru Aur lagane lage dam ba dam zarb-e-hu

Allah, Allah, Allah, Allah

Reh ke pardon mein tu jalwa ara hua Bas ke aankhon mein aankhon se parda kiya

Aankh ka parda, parda hua aankh ka Band aankhein huin to nazar aaya tu

Allah, Allah, Allah, Allah

Kaaba-e-kaaba hai kaaba-e-dil mera Kaaba patthar ka dil jalwagah-e-Khuda

Ek dil par hazaron hi kaabe fida Kaaba-e-jaan-o-dil kaabe ki aabroo

Allah, Allah, Allah, Allah

Toor-e-Saina pe tu jalwa ara hua Saaf Musa se farma diya lan tara

Aur inni ana Allah shajar bol utha Tere jaluon ki nairangiyan su-ba-su

Never Be Without Your Favorite Lyrics - Get the App for Offline Access!

Allah, Allah, Allah, Allah

Mujh ko dar dar phirati rahi justaju Toote paye talab thak rahi aarzoo

Dhoondta main phira ku-ba-ku chaar su Tha rag-e-jaan se nazdeek tar dil mein tu

Allah, Allah, Allah, Allah

Kaun tha jis ne subhani farma diya Aur ma a’zam shani kis ne kaha

Bayazid aur Bistam mein kaun tha Kab ana-al-haq thi Mansoor ki guftagu

Allah, Allah, Allah, Allah

Ya Ilahi dikha hum ko woh din bhi tu Aab-e-Zamzam se kar ke haram mein wazu

Ba-adab shauq se baith ke qibla-ru Mil ke hum sab kahein yak zaban hubahu

Allah, Allah, Allah, Allah

Main ne mana ke Hamid gunahgar hai Ma’siyat kesh hai aur khata-kar hai

Mere Maula magar tu to Ghaffar hai Kehti rehmat hai mujrim se la taqnatu

Allah, Allah, Allah, Allah