Aye Raza Martaba Kitna

Ae Raza martaba kitna huwa bala tera Hind to Hind Arab mein huwa shahra tera

Naam Aala hai tera, Hazrat-e-Aala tera Kaam Awla hai tera, ae Shah-e-Wala tera

Koi kya jaane bada kitna hai rutba tera Asfiya choomna chahein woh hai talwa tera

Kaar-e-tajdeed ada karta tha khama tera Sar pe batil ke utha karta tha teegha tera

Kitna ooncha kiya Allah ne rutba tera Ghaus-e-Azam ko kiya Aqa-o-Maula tera

Tere achhon ne kiya hai bada achha tera Phir bhala kya koi bad-khwah karega tera

Nisbat-e-Aal-e-Rasooli bhi ajab nisbat hai Ghaus tak le gaya tujh ko yeh waseela tera

Umar ka terhwan sin mah-e-dahum chaar hi din Itni muddat mein huwa ilm ka charcha tera

Is sadi ka tu Mujaddid, tu zamane ka Imam Ahl-e-Haq chalte hain jis pe woh hai rasta tera

Tujh ko Allah ne har fazl ata farmaya Kaun sa ilm ke jis mein nahi hissa tera

Tujh pe hai ik tan-e-be-saya ka aisa saya Phelta jata hai har simt ujala tera

No Internet? No Problem! Get the App for Offline Lyrics!

Is zamane mein koi tujh sa na dekha na suna Ghaus-e-Azam ki karamat thi sarapa tera

Har jagah manzar-e-Islam nazar aata hai Tera ghar, koocha-o-bazar, muhalla tera

Aaj tak bhi tere shagird ke shagirdon se Qasr-e-batil mein buland hota hai naara tera

Maslak-e-Haq ki zamanat hai tera naam "Raza" Shan-e-tehqeeq ada kar gaya khama tera

Teri har baat hai aaina-e-Haqq-o-batil Tere har kaam mein hai rang nirala tera

Fazil aisa ke diya Rabb ne tujhe fazl-e-kaseer Aalim aisa ke har aalim huwa sheyda tera

Har waraq tera Shariat ki daleel-e-roshan Ek qanoon-e-mukammal hai fatawa tera

Teri tehreer pe angusht-ba-dandan tha Arab Teri taqreer thi ke Qadri teegha tera

Tarjuma woh kiya Quran ka Kanz-ul-Iman Hashr tak jaari yeh faizan rahega tera

Tu ne unwan yeh iman ka duniya ko diya Ishq-e-Sarkar-e-do alam tha wazifa tera

Main Raza kaar raha tera safar ho ke hazar Naam har baar mein leta raha Aqa tera

Kaarnama teri tajdeed ka Allah Allah Maslak-e-Ahl-e-Sunan ban gaya rasta tera

Tu ne iman diya tu ne jamaat de di Ahl-e-Sunnat pe hai ehsan yeh Aqa tera

Mustafa ka tere khadim, tere hamid ka ghulam Khushtar-e-banda-e-darbar hai tera tera