Mah o Man Se Bacha

Ma-o-man se bachaye Aal-e-Rasool Min-o-an hoon raza-e-Aal-e-Rasool

Haq mein mujh ko gumaye Aal-e-Rasool Mujh ko haq se milaye Aal-e-Rasool

Meri aankhon mein aaye Aal-e-Rasool Mere dil mein samaye Aal-e-Rasool

Tu hi jaane fida-e-Aal-e-Rasool Qadr-e-sumu-e-samaye Aal-e-Rasool

Saat aflak zeene phir kursi Arsh-e-rif’at saraye Aal-e-Rasool

Chandna chand ka Madine ke Lum’a-e-haq numaye Aal-e-Rasool

Hai irada tera irada-e-Haq Haq ki marzi raza-e-Aal-e-Rasool

Baad jis ke na hoga faqr kabhi Woh ghina hai ghina-e-Aal-e-Rasool

Sibghatullah ki chadhe apni Haq ki rangat rachaye Aal-e-Rasool

Is ki nayrangiyon mein hoon yak rang Rang-e-wahdat jamaye Aal-e-Rasool

Ho khudi door aur Khuda baqi Ho Khuda hi Khuda-e-Aal-e-Rasool

Maut se pehle mujh ko maut aaye Meri hasti mitaye Aal-e-Rasool

Yun mitoon main ke mujh mein mit jaye Mujh ko mujh se gumaye Aal-e-Rasool

Jeete jee jee mein main guzar jaaun Phool meri uthaye Aal-e-Rasool

Beri kat jaye har tashakhus ki Qaid se yun chhuraye Aal-e-Rasool

Yeh khudi bhi fida-e-da’wa hai Kar de bekhud Khuda-e-Aal-e-Rasool

Surat-e-Sheikh ka tasawwur ho Hoon main mehv-e-liqa-e-Aal-e-Rasool

Sar ta payam fida sar-o-payat Wah che noor-o-ziya-e-Aal-e-Rasool

Dil-o-janam fida sarat gardam Lum’a-e-haq numaye Aal-e-Rasool

Bhar de qatray ke seene mein qulzum Nam mein yam ko samaye Aal-e-Rasool

Haqquhu Haq ho zahir-o-batin Haq ke jalway dikhaye Aal-e-Rasool

Dil mein Haq Haq zaban pe Haq Haq ho Deed Haq ki karaye Aal-e-Rasool

Haq ka deewana Hadi-e-Haq se Haq ki dhoomein machaye Aal-e-Rasool

Fani ho jaaun Sheikh mein apne Hu-ba-hu ho ada-e-Aal-e-Rasool

Fani-fillah baqi-billah hoon Tu hi tu hai Khuda-e-Aal-e-Rasool

Yeh taqarrub mile nawafil se Hoon habeeb-e-fida-e-Aal-e-Rasool

Hath paon ho aankh kaan ho woh Aqal bhi ho fida-e-Aal-e-Rasool

Mere a’za bane mera Maula Mujh pe pyar aaye, aaye Aal-e-Rasool

Is se dekhun sunun chalun pakrun Maula de banda paye Aal-e-Rasool

Meri hasti hijab hai mera Tu hi parda uthaye Aal-e-Rasool

Qurb hasil ho phir faraiz ka Sufi-e-kamil banaye Aal-e-Rasool

Mulk-e-Lahoot se ilan-nasoot Hone raj’at na paye Aal-e-Rasool

Sair-fillah aur min-Allah ho Darjay sab tay karaye Aal-e-Rasool

Phir ilallah fana-e-mutlaq se Poora salik banaye Aal-e-Rasool

Find Your Favorite Lyrics Anytime, Anywhere - Install the App Today!

Qaid-e-nasoot se rehai ho Phere mere barhaye Aal-e-Rasool

Shakh-e-Lahoot par baseera ho Ho yeh tair-e-Huma-e-Aal-e-Rasool