Tere Jadd Ki Hai

Tere jadd ki hai barahwin Ghous-e-Azam Mili hai tujhe gyarahwin Ghous-e-Azam

Koi un ke rutba ko kya jaanta hai Muhammad ﷺ ke hain jaanasheen Ghous-e-Azam

Tu hai noor-o-aaeena-e-Mustafai Nahi koi tujh sa haseen Ghous-e-Azam

Huye auliya zi-sharaf garcha laakhon Magar sab se hain behtareen Ghous-e-Azam

Jahan auliya karte hain jabba-saai Woh Baghdad ki hai zameen Ghous-e-Azam

Tere roza-e-paak ke dekhne ko Tadapta hai qalb-e-hazein Ghous-e-Azam

Mujhe bhi bula lo khudara ki main bhi Ghasoon aastan par jabeen Ghous-e-Azam

Never Be Without Your Favorite Lyrics - Get the App for Offline Access!

Mere qalb ka haal kya poochte ho Yeh dil hai makaan aur makeen Ghous-e-Azam

Jo ahl-e-nazar hain wahi jaante hain Ki har dam hain sab se qareen Ghous-e-Azam

Hamari bhi lillah bigdi bana do Ghulaamon ke tum ho mueen Ghous-e-Azam

Hain ghere huye chaar jaanib se dushman Khudara bacha mera deen Ghous-e-Azam

Chhupa le mujhe apne daaman ke neeche Ki gham ki ghataayein uthein Ghous-e-Azam

Woh hai kaun sa un ke dar ka bhikaari Madadgaar jis ke nahi Ghous-e-Azam

Husain-o-Hasan ki toh aankhon ka taara Woh khaatam hain aur tu nageen Ghous-e-Azam

Hukumat teri naafiza hai ki haq ne Tujhe di hai fatah-e-mubeen Ghous-e-Azam

Tujhe sab ne jaana tujhe sab ne maana Teri sab mein dhoomein machein Ghous-e-Azam

Tu woh hai tere paak talwe ke aage Khinchi gardanein jhuk gayin Ghous-e-Azam

Na the mutlaqan auliya jis se waaqif Tujhe naimatein woh milein Ghous-e-Azam

Teri zaat se aye shariat ke haami Tariqat ki ramzein khulein Ghous-e-Azam

Shariat tariqat ke har silsile mein Hain teri hi nehreinsa bahein Ghous-e-Azam

Salaasil ki sab manzilon mein hai phaili Teri roshni bil-yaqeen Ghous-e-Azam

Gham-o-ranj mein naam tera liya jab Toh kaliyan dilon ki khulein Ghous-e-Azam

Karam gar karo mere madfan mein aao Toh ho qabr khuld-e-bareen Ghous-e-Azam

Ilahi tera kalma-e-paak mujh ko Sikhayein dam-e-waapaseen Ghous-e-Azam

Ba-su-e-Jameel az nigaah-e-inaayat Babeen Ghous-e-Azam babeen Ghous-e-Azam