Karun Kya Haal e Dil

Karoon kya haal-e-dil izhar Ya Ghous Ke tum ho Alam-ul-Asrar Ya Ghous

Nikalo bahr-e-gham se meri kashti Hai hail beech mein manjhdhar Ya Ghous

Siva tere kahoon kis se gham apna Nahi mera koi ghamkhar Ya Ghous

Madad ka waqt hai imdad kijiye Meri halat hui hai zaar Ya Ghous

More Lyrics, Less Storage - Install the App and Ditch the Screenshots!

Dil-e-tareek par farma de saiqal Mera seena ho pur-anwar Ya Ghous

Ata kar sehat-e-kamil isey bhi Yeh banda hai tera bimar Ya Ghous

Bula Baghdad mein lillah-e-aqa Dikha apna mujhe darbar Ya Ghous

Isharay se teri rehmat ke ban jaye Yeh ujra ban mera gulzar Ya Ghous

Meri aankhon ko mere dil ke andar Nazar aayen tere anwar Ya Ghous

Na ghabraoon shab-e-taar-e-lahad se Nazar aayen tere anwar Ya Ghous

Khule jab khwab-e-marqad se meri aankh Mujhe ho aap ka deedar Ya Ghous

Tumhare rooye roshan ko kahoon kya Qamar ya matla-e-anwar Ya Ghous

Rah-e-Mousil hui ik aan mein tay Karamat aap ki raftaar Ya Ghous

Madad farmaiye Ya Ghous-e-Azam Mera koi nahi hai yaar Ya Ghous

Madad ka waqt hai sarkar aao Kiya gham ne mujhe lachar Ya Ghous

Nikala saikron doobay huon ko Mere bairay ko kar do paar Ya Ghous

Barha kar hath ik tukra utha do Ke yeh banda bhi hai haqdar Ya Ghous

Aghithni ya habibi Ghous-ul-Azam Hua hai gham galay ka haar Ya Ghous

Kahan tak main phiroon bekar shaha Mujhe kar dijiye bakhar Ya Ghous

Para sota hai mera bakht-e-khufta Zara kar dijiye bedar Ya Ghous

Maye irfan ka ik saghar pila kar Mujhe kar dijiye hoshiyar Ya Ghous

Khudi aisi mita dil se ke mil jayen Khuda aur Ahmad-e-Mukhtar Ya Ghous

Mujhe aisi ata kar yaad apni Na bhooloon main tujhe zinhar Ya Ghous

Fana kar yun ke main sotay mein dekhoon Tera darbar-e-pur-anwar Ya Ghous

Tamanna bulbul-e-shaida ki yeh hai Milay Baghdad ka gulzar Ya Ghous

Mujhe dunya mein jannat ho jo mil jaye Tumhara saya-e-deewar Ya Ghous

Kahan ja kar karay aankhon ko roshan Tumhara talib-e-deedar Ya Ghous

Hoon main bhi Qadri Ya Abd-e-Qadir Na hoon dono jahan mein khwar Ya Ghous

Rahay sarsabz mera ghuncha-e-dil Chubhay koi na gham ka khaar Ya Ghous

Parhein tasbeeh tere naam ki hum Rahay jab tak nafas ka taar Ya Ghous

Rahoon har waqt sargarm-e-ita'at Mujhe aisa bana deendar Ya Ghous

Tere ik qatra-e-rehmat se dhul jaye Gunahon ka meray tomar Ya Ghous

Pakarna hath mera dastgeera Uboor-e-pul na ho dushwar Ya Ghous

Karo sau martaba us ki madad tum Pukaray jo tumhein ik baar Ya Ghous

Kehay jao mureedi La Takhaf tum Pukaray jaoon main har baar Ya Ghous

Zah-e-qismat qayamat tak rahay ga Mureedon par tumhara pyar Ya Ghous

Tamami Awliya ke ta-qayamat Tumhein ho qafila salar Ya Ghous

Karein ge roz-e-mahshar hum pe saya Tumhare gesoo-e-khamdar Ya Ghous

Sifarish kijiye mahshar mein meri Ke mujh ko bakhash de Ghaffar Ya Ghous

Musalman kijiye aisa khudara Ke tootay nafas ka zunnar Ya Ghous

Atibba kar sakein jis ka na chara To kho deta hai woh aazar Ya Ghous

Mareezon ke liye Dar-ul-Shifa hai Tera darbar-e-pur-anwar Ya Ghous

Hain milti namuradon ko muradein Tera darbar hai durbar Ya Ghous

Salateen-e-zamana kyun na mangein Tera darbar hai durbar Ya Ghous

Aghithni keh ke jo manga woh paya Tera darbar hai durbar Ya Ghous

Rasool-e-Allah ka tu ladla hai Ali kartay hain tujh ko pyar Ya Ghous

Qadam tera hai dosh-e-Awliya par Tujhe Haq ne kiya sardar Ya Ghous

Nabi ke mojizon ka tu hai mazhar Batatay hain tere asar Ya Ghous

Rasool-e-Allah ne seenay mein teray Bharay hain ghaib ke asrar Ya Ghous

Uloom-e-Mustafa o Murtaza ke Tumhein par hain khulay asrar Ya Ghous

Laqab hai Majma-ul-Bahrain tera Hain jaari tujh se sab anhar Ya Ghous

Iraq, Ajmer o Marehra, Bareilly Nahi kis ja tere anwar Ya Ghous

Dil-e-maghmoom se meri basad aah Nikalti hai sada har baar Ya Ghous

Hai meri taak mein shaitan-e-mardoood Madad teri rahay tayyar Ya Ghous

Tumhare dushmanon ke kaatnay ko Zaban meri banay talwar Ya Ghous

Khuda ka khas banda ban gaya woh Kiya jis ne tera iqrar Ya Ghous

Khuda bhi ho gaya naraz us se Tu jis se ho gaya bezaar Ya Ghous

Bila-shak ho gaya maqhoor-e-Izad Kiya jis ne tera inkar Ya Ghous

Hui zillat usay dono jahan mein Pari jis par teri phitkar Ya Ghous

Dobara deen ko ab zinda kijiye Hui hai yurish-e-kuffar Ya Ghous

Rahay mangta hamesha shad-abad Aur a'daye la'een fin-nar Ya Ghous

Jamil-e-Qadri ki laaj rakhna Hazoor-e-Wahid-e-Qahhar Ya Ghous