Ilahi Fazal Hai Tera

Ilahi! fazl hai tera, gada-e-Aala Hazrat hoon Karam hai aap ka aqa, gada-e-Aala Hazrat hoon

Waseela sab sahaba ka, hai sadqa aal-e-Zahra ka Karam hai Ghous-o-Khwaja ka, gada-e-Aala Hazrat hoon

Mili ummat Muhammad ki, ghulami Ghous-e-Azam ki Dar-e-Khwaja ka hoon mangta, gada-e-Aala Hazrat hoon

Madine aake phir jalwa, main dekhun sabz gumbad ka Raza ka ya Nabi! sadqa, gada-e-Aala Hazrat hoon

Khudaya teri ulfat mein, Muhammad ki mohabbat mein Mujhe aaya kare rona, gada-e-Aala Hazrat hoon

Daba mat nafs-e-ammara, gunahon par na ab uksa Aye sheytan dafa tu ho ja, gada-e-Aala Hazrat hoon

Khudaya ho karam aisa, baja doon un ki sunnat ka Jahan mein chaar su danka, gada-e-Aala Hazrat hoon

Free Up Space - Get Lyrics Without Bulky Screenshots!

Khuda! Ahmad Raza khan ke, chaloon naqsh-e-qadam par main Ata toufeeq tu farma, gada-e-Aala Hazrat hoon

Ilahi! yeh sa'adat de, Madine mein shahadat de Waseela chaar yaron ka, gada-e-Aala Hazrat hoon

Khuda ki khas rehmat se, mujhe umeed-e-wasiq hai Parhoon ga naz' mein kalma, gada-e-Aala Hazrat hoon

Jahannam se amaan de de, mujhe bagh-e-jinan de de Mere Maula! karam farma, gada-e-Aala Hazrat hoon

Ameeron maal daron ki, jahan ke taj daron ki Mujhe Attar kya parwa, gada-e-Aala Hazrat hoon