Gul Bostan e Nabi

Gul-e-bostan-e-Nabi Ghous-e-Azam Mah-e-aasman-e-Ali Ghous-e-Azam

Jise chaahein karde ata sarbulandi Mili hai tujhe khusrawi Ghous-e-Azam

Wali hogaya woh ishare se tere Sada jis ne ki rahzani Ghous-e-Azam

Barha haath teri taraf muflison ka Nazar teri janib uthi Ghous-e-Azam

Wali ban gaye dam mein fussaaq o rahzan Nazar teri jab par gayi Ghous-e-Azam

Wali qutb o abdal o awtad o kamil Karein tujh se kya hamsari Ghous-e-Azam

Tu woh gul hai bagh-e-Hussain o Hasan ka Ke boo teri sab mein basi Ghous-e-Azam

More Lyrics, Less Storage - Install the App and Ditch the Screenshots!

Qadam kyun na lein awliya chashm o sar par Ke hain wali-e-har wali Ghous-e-Azam

Khuda tak na kyunkar ho us ki rasai Kare jis ki tu rehbari Ghous-e-Azam

Tu hai Shaikh-e-kul aur sab tere chele Tere zer-e-pa har wali Ghous-e-Azam

Wilayat ka hai mulk zer-e-hukumat Mili tujh ko shahanshahi Ghous-e-Azam

Wilayat karamat ko hai naaz jin par Woh tujh se huye multaji Ghous-e-Azam

Mile hain tere jadd-e-amjad se tujh ko Uloom-e-khafi o jali Ghous-e-Azam

Tumhein sab hai maloom tum par hai roshan Hui hai jo halat meri Ghous-e-Azam

Hazaron alam sar pe aur main akela Meri dekh lo be-basi Ghous-e-Azam

Hai bigri hui aaj kal meri qismat Tu chahe to sambhle abhi Ghous-e-Azam

Badal de tu achhi se achhe ka sadqa Jo hai mujh mein khaslat buri Ghous-e-Azam

Ishare se teri nigah-e-karam ke Hazaron ki bigri bani Ghous-e-Azam

Meri jholiyan bhi muradon se bharde Sakhi hai tu ibn-e-sakhi Ghous-e-Azam

Phire dar badar kyun bhikari bhatakta Tere ghar mein hai kya kami Ghous-e-Azam

Tu khoon-e-shaheedan ke sadqe mein dho de Hui mujh se jo kuch badi Ghous-e-Azam

Lagade sahara madad kar khudara Talatum mein kashti phansi Ghous-e-Azam

Ho sarsabz shadab bagh-e-tamanna Rahe shakh-e-dil ki hari Ghous-e-Azam

Tufail-e-Payambar yahi mudda hai Ke ho sar-nigoon mudda'i Ghous-e-Azam

Agar teri imdad aaye madad ko Muqaddar ki nikle kaji Ghous-e-Azam

Tere zikr mein aish o izzat se guzre Jo baqi hai kuch zindagi Ghous-e-Azam

Khuda ke liye aisa be-khud banade Ke mit jaye sari khudi Ghous-e-Azam

Mere Maula aajao dil mein ke nikle Jo hai dil mein hasrat bhari Ghous-e-Azam

Main samjhoon ke ab jaan mein jaan aayi Jo aaein dam-e-jaan kani Ghous-e-Azam

Hoon iman ke sath dunya se rukhsat Yahi arz hai aakhri Ghous-e-Azam

Suna LA TAKHAF tera farman-e-aali Ghulamon ki dhars bandhi Ghous-e-Azam

Qayamat ke din honge teri badaulat Tere naam lewa bari Ghous-e-Azam

Siyah-kar ki qabr mein hai andhera Tu aaja ke ho chandni Ghous-e-Azam

Zara kholde apna noorani chehra Ke mit jaye sab teergi Ghous-e-Azam

Agar behr-e-imdad dil se pukarein Hon tashreef farma abhi Ghous-e-Azam

Jo larki thi qabze mein dev-e-la'een ke Tere naam se woh bachi Ghous-e-Azam

Saba dast-basta salam arz karna Jo mil jayein tujh ko kabhi Ghous-e-Azam

Jameel apni jholi ko phaila bharein ge Ke data hain tere sakhi Ghous-e-Azam