Allah Baraye Ghous e Azam

Allah baraye Ghaus-e-Azam De mujh ko wilaye Ghaus-e-Azam

Deedar-e-Khuda tujhe mubarak Ae mehv-e-liqaye Ghaus-e-Azam

Woh kaun kareem sahib-e-jood Main kaun gadaye Ghaus-e-Azam

Sookhi hui khetiyan hari kar Ae abr-e-sakhaye Ghaus-e-Azam

Umeedein naseeb mushkilein hal Qurban-e-ataye Ghaus-e-Azam

Kya tezi-e-mehar-e-hashr se khauf Hain zer-e-liwaye Ghaus-e-Azam

Woh aur hain jin ko kahiye mohtaj Hum to hain gadaye Ghaus-e-Azam

Hain janib-e-nalah-e-ghareeban Gosh-e-shanwaye Ghaus-e-Azam

Get Lyrics On-The-Go! Download Our App Now!

Kyun hum ko sataye naar-e-dozakh Kyun rad ho duaye Ghaus-e-Azam

Baigane bhi ho gaye yagane Dil-kash hai adaye Ghaus-e-Azam

Aankhon mein hai noor ki tajalli Phaili hai ziyaye Ghaus-e-Azam

Jo dam mein ghani kare gada ko Woh kya hai ataye Ghaus-e-Azam

Kyun hashr ke din ho fash parda Hain zer-e-qabaye Ghaus-e-Azam

Aaeena-e-ruye khubaruyan Naqsh-e-kaf-e-paye Ghaus-e-Azam

Ae dil na dar in balaon se ab Woh aayi sadaye Ghaus-e-Azam

Ae gham jo sataye ab to janun Le dekh woh aaye Ghaus-e-Azam

Taar-e-nafas-e-malaika hai Har taar-e-qabaye Ghaus-e-Azam

Sab khol de uqdahaye mushkil Ae nakhun-e-paye Ghaus-e-Azam

Kya un ki sana likhun Hassan main Jaan baad faday-e-Ghaus-e-Azam