Zikr e Tauheed Zaroori Hai

Zikr-e-tauheed zaroori hai bohat Haq ki ta'eed zaroori hai bohat

Ho kisi shakl mein baatil, us par Mohr-e-tardeed zaroori hai bohat

Kidhb ka chahiye fori ibtaal Sach ki taqleed zaroori hai bohat

Never Be Without Your Favorite Lyrics - Get the App for Offline Access!

Chahiye apna muhasib hona Khud yeh tanqeed zaroori hai bohat

Zeest ke rakht-e-safar mein koi Khwab-e-umeed zaroori hai bohat

Ikhtitam us ki sana ka jo ho Sa'i-e-tamheed zaroori hai bohat

Be-lagami nahi dil ki achi Koi tahdeed zaroori hai bohat

Woh hai Rab, taza harak saans ke sath Us ki ta'keed zaroori hai bohat

Nahi honton ki gawahi kaafi Dil ki ta'eed zaroori hai bohat

Haq ki tasdeeq se ghair-e-haq ki Pehle tardeed zaroori hai bohat