Mere Liye Mere Allah

مرے لئے مرے اللہ دو حرم ہیں بہت مرے گناہ تری رحمتوں سے کم ہیں بہت

تو سامنے سہی تجھ تک رسائی سہل نہیں یہ راہِ راست وہ ہے جس میں پیچ و خم ہیں بہت

خطا معاف میں دو وحدتوں کا قائل ہوں کہ تیرے بعد محمدؐ بھی محترم ہیں بہت

کدھر کدھر تری آواز کی طرف جاؤں وجود ایک ہے میرا مگر عدم ہیں بہت

رہ سلوک میں یہ کونسا مقام آیا کہ خندہ زن بھی ہوں آنکھیں بھی میری نم ہیں بہت

نیاز مند مظفر کو بھی بنا اُن کا وہ خاص ہستیاں جن پر ترے کرم ہیں بہت