Mere Allah Maghfirat Farma

Mere Allah maghfirat farma Aur Muhammad ﷺ ki marifat farma

Khair aamada ho yeh khair gurez Aisi taqleeb-e-zehniyat farma

Meri bakhshish ka ik zariya bane Lafz mein aisi khasiyat farma

Jee na paaun mein bandagi ke baghair Tab-e-ki aisi kaifiyat farma

Ik lamha na guzre khair baghair Umr ki khair mein khapat farma

Bin tere zikr ke na paaye sukoon Dil ko woh taur marhamat farma

Mere Allah jaisi bhi hai' qubool Meri tarz-e-uboodiyat farma

Nahi rakhte go is ka istihqaq Neik anjam aaqibat farma

Get Lyrics On-The-Go! Download Our App Now!

Hoon gunah-gaar' kar karam mujh ko Bakhshish de' meri maghfirat farma

Rahmat-e-Rab! Riaz Aasi ke Takht-e-dil par ho tamkanat farma