Mere Allah Maghfirat Farma

میرے اللہ مغفرت فرما اور محمدؐ کی معرفت فرما

خیر آمادہ ہو یہ خیر گریز ایسی تقلیب ذہنیت فرما

میری بخشش کا اک ذریعہ بنے لفظ میں ایسی حاصیت فرما

جی نہ پاؤں میں بندگی کے بغیر طبع کی ایسی کیفیت فرما

اک لمحہ نہ گزرے خیر بغیر عمر کی خیر میں کھپت فرما

بِن ترے ذکر کے نہ پاۓ سکون دل کو وہ طور مرحمت فرما

میرے اللہ جیسی بھی ہے' قبول میری طرزِ عبودیت فرما

نہیں رکھتے گو اس کا استحقاق نیک انجام عاقبت فرما

ہوں گنہ گار' کر کرم مجھ کو بخشش دے' میری مغفرت فرما

رحمت رب! ریاض عاصی کے تخت دل پر ہو تمکنت فرما