Kuch Aisa Kar Kareem

Kuch aisa kar Kareem! mere saath apne aap Ho jaayein raast ro mere aadat-e-apne aap

Har cheez apni seedhi dagar par ho gaamzan Ho jaayein raast kaar yeh din raat apne aap

Ho door jo kaji hai jibillat mein ae Raheem! Hon paak mere jism ke khaliyaat apne aap

Ho ghaib se ishara koi mojize ki shakal Hon door zehn-o-dil ke tazadaat apne aap

Hat kar is arz-e-paak se aaye na koi soch Hon roo-ba-Tayyaba mere khayalaat apne aap

Download Lyrics & Access Offline - Install Our App Now!

Faizan-e-rooh par tere altaf ka rahe Sab raast mustaqeem hon jazbaat apne aap

Izhaar ko naseeb ho lehja duaon ka Lafzon mein dhalti jaaye munajaat apne aap

Tere karam se fard-e-amal mein Riaz ki Ho ajr-e-kaar-e-khair ki bohtaat apne aap