Kaabe Ke Sehan

کعبے کے صحنِ محترم میں بیٹھ بیٹھ ماحول ذی حشم میں بیٹھ

بابِ کعبہ کی سمت ہو یکسو وقت جتنا ملے' حرم میں بیٹھ

کچھ پڑاؤ طریقِ ہجرہ میں اُس کی رہ کے قدم قدم میں بیٹھ

Stop Wasting Storage - Download Lyrics in Lightweight Text Format!

لنگر انداز ہو ہواۓ ثنا! لب ولہجہ کے زیر وبم میں بیٹھ

ابر ' لاتقنطوا' کے ساۓ میں خوش گماں رہ' بھلے بھرم میں بیٹھ

آسمانِ ثنا میں کر پرواز یوں نہ دنیا کے رنج وغم میں بیٹھ

زرِ مدحت! ریاضؔ عاجز کے خطِ کلک ثنا رقم میں بیٹھ