Kaabe Ke Sehan

کعبے کے صحنِ محترم میں بیٹھ بیٹھ ماحول ذی حشم میں بیٹھ

بابِ کعبہ کی سمت ہو یکسو وقت جتنا ملے' حرم میں بیٹھ

کچھ پڑاؤ طریقِ ہجرہ میں اُس کی رہ کے قدم قدم میں بیٹھ

لنگر انداز ہو ہواۓ ثنا! لب ولہجہ کے زیر وبم میں بیٹھ

ابر ' لاتقنطوا' کے ساۓ میں خوش گماں رہ' بھلے بھرم میں بیٹھ

آسمانِ ثنا میں کر پرواز یوں نہ دنیا کے رنج وغم میں بیٹھ

Instant Access to Thousands of Lyrics - Tap to Install!

زرِ مدحت! ریاضؔ عاجز کے خطِ کلک ثنا رقم میں بیٹھ