Ilahi Hamd Se Aajiz Hai

Ilahi hamd se aajiz hai yeh sara jahan tera Jahan walon se kyonkar ho sake zikr-o-bayan tera

Download Lyrics & Access Offline - Install Our App Now!

Zameen-o-aasman ke zarre zarre mein tere jalwe Nigahon ne jidhar dekha nazar aaya nishan tera

Thikana har jagah tera samajhte hain jahan wale Samajh mein aa nahin sakta thikana hai kahan tera

Tera mehboob paighambar teri azmat se waqif hai Ke sab nabiyon mein tanha hai wahi ek raazdan tera

Jahan-e-rang-o-bu ki wus'aton ka raazdan tu hai Na koi hamsafar tera na koi karwan tera

Teri zaat-e-mu'alla aakhri tareef ke laiq Chaman ka patta patta roz-o-shab hai naghma khwan tera