Hon Auj Bakht Kehkshan

ہوں اوج بخت کہکشاں در کہکشاں نصیب یہ پافتادہ قوم ہو ہفت آسماں نصیب

بے کار مشغلوں میں نہ سانسوں کا زر گنوا کر آخرت کی فکر کوئی اے زیاں نصیب!

پیدا وہ مردہ مٹی سے کرتا ہے زندگی رکھ اس کی رحمتوں پہ یقیں' اے گماں نصیب!

مول اس کا کیا حدائق بخشش کی سیع سے مدحت کی شکل میں جو ہوا ارمغاں نصیب

در بےشمار کھل گۓ اظہار حمد کے لکنت نصیب شوق ہوا ہے بیاں نصیب

صالح قیادتیں ملیں' امت کو یا خدا رہبر اسے ملے کوئی سدرہ نشاں نصیب

Your Lyrics, Even Offline - Install the App for Free!

اک نظم میں در آۓ' یہ اک ضبط میں ڈھلے جو منتشر ہجوم ہے' ہو کارواں نصیب