Ehlaas Asar Yeh Badah Farma

اخلاص اثر یہ بادہ فرما فن خیر پر ایستادہ فرما

اے سب پہ بہت رحیم! مجھ پر رحمت کی نظر زیادہ فرما

مجھ کم دل و کم نگاہ کی قبر تا حدِ نظر کشادہ فرما

ہر منزلِ خواہش و طلب میں تقویٰ کو مرا لبادہ فرما

ہم ذہن کر میری ہر جبلّت دل کو مرا ہم ارادہ فرما

زنجیر کر اپنی بندگی میں طاعت کو مرا قلادہ فرما

Free Up Space - Get Lyrics Without Bulky Screenshots!

جو پاک تھا شور و شر سے' میری اُن موسموں کا اعادہ فرما

کر نقش ریاضؔ دل میں وہ دور اس وقت سے استفادہ فرما