Dard e Dil Kar Mujhe Ata Ya Rab

Dard-e-dil kar mujhe ata Ya Rabb De mere dard ki dawa Ya Rabb

Laaj rakh le gunahgaaron ki Naam Rahman hai Tera Ya Rabb

Aib mere na khol mehshar mein Naam Sattar hai Tera Ya Rabb

More Lyrics, Less Storage - Install the App and Ditch the Screenshots!

Be-sabab bakhsh de na pooch amal Naam Ghaffar hai Tera Ya Rabb

Zakhm gehra sa tegh-e-ulfat ka Mere dil ko bhi ho ata Ya Rabb

Yun gumon mein ke Tujh se mil jaaun Yun guma is tarah mila Ya Rabb

Bhool kar bhi na aaye yaad apni Mere dil se mujhe bhula Ya Rabb

Tu Hasan ko utha husn kar ke Ho ma'al khair khatima Ya Rabb