Be Nishan Ko Sana Nishan Kiya

Be-nishan ko sana-nishan kiya Tu ne kya kya na meharban! kiya

Dil mein jo kuch tha, ae Rahim-o-Karim Hamd ki raah se bayan kiya!

Rabb-e-Ma’ni! tera karam tu ne Lafz ko hubb ka tarjuman kiya

Kya mera sukoot, arz-e-andaz Meri chup ko meri zaban kiya!

Dukh ko di sukh shakal mere liye Dhoop ko mera saiban kiya!

Why Screenshot When You Can Download? Get the App for Efficient Storage!

Hamd aur naat ke waseele se Meharban mujh pe kul jahan kiya

Mujh ko apne karam ke bare mein Pur-umeed aur khush-guman kiya

Reham-e-madar se bab-e-jannat tak Mujh ko pal bhar na be-aman kiya

Paas paya Riaz ne tujh ko Teri rehmat pe jab bhi dhiyan kiya