Be Nishan Ko Sana Nishan Kiya

بے نشاں کو ثنا نشان کیا تُو نے کیا کیا نہ مہربان! کیا

دل میں جو کچھ تھا' اے رحیم و کریم حمد کی راہ سے بیان کیا !

رب معنی! ترا کرم تُو نے لفظ کو حب کا ترجمان کیا

کیا میرا سکوت' عرض انداز میری چُپ کو مری زبان کیا!

Free Up Space - Get Lyrics Without Bulky Screenshots!

دکھ کو دی سکھ شکل میرے لۓ دھوپ کو میرا سائبان کیا !

حمد اور نعت کے وسیلے سے مہرباں مجھ پہ کُل جہان کیا

مجھ کو اپنے کرم کے بارے میں پُر امید اور خوش گمان کیا

رحم مادر سے بابِ جنت تک مجھ کو پل بھر نہ بے امان کیا

پاس پایا ریاضؔ نے تجھ کو تیری رحمت پہ جب بھی دھیاں کیا