Aya Hai Mere Dil Mein

آیا ہے میرے دل میں جو ارمان حمد کا پورا ترے کرم سے ہو دیوان حمد کا

تیرے کرم سے شعر کے پیراۓ میں ڈھلے آواز دے رہا ہے جو امکان حمد کا

خوشبو ہے دھڑکنوں میں ترے اسم پاک کی دل میں کِھلا ہُوا ہے گلستان حمد کا

Free Up Space - Get Lyrics Without Bulky Screenshots!

تاثیر کے چراغ جلاۓ کلام میں قاری کوئی ملے جو خوش الحان حمد کا

تسبیح کے میں جملہ مراتب سمجھ سکوں اللہ ! کر عطا مجھے عرفان حمد کا

مصروف ہر گھڑی رہے اورادِ شکر میں گر مرتبہ سمجھ سکے انسان' حمد کا

الحمد' ابتدا ہےتو والناس' اختتام کیا سرمدی صحیفہ ہے قرآن حمد کا

الفاظ کے قرینے سے چُپ کے سلیقے سے کرتا ہے ورد دل بہر عنوان حمد کا

تحریر ہر گھڑی کرے اس کی ثناۓ خاص جو اذن دے ریاضؔ کو رحمٰن حمد کا