Afu o Bakhshish Ke Aye Azeem Siraj

Afw-o-bakhshish ke aye azeem siraj! Bahr-o-bar tere noor ke mohtaj

Loh-e-mehfooz us pe shahid hai Tujh sa koi nahin hai reham mizaj

Hum khata-kar, bad-nehadon se Zindagi ki basat hai taraj

Khud kiya naqsha-e-zuhoor tabah Kya ho? Ab is ghalat ravish ka ilaj

Hum siyah-tab'a aasiyon ke liye Teri rehmat hai soorat-e-amwaj

Ho karam hum nasheb-khwahon par Sadqa-e-auj-e-Sahib-e-Mi'raj

Download Lyrics & Access Offline - Install Our App Now!

Hum gunah-kho hawas-paraston ki Hai faqat tere haath ya Rab! laaj

Pesh-e-aqwam-e-dahr khwar-o-zaboon Kab hum is tarah thay, hain jaise aaj

Maltamis tujh se hai Riaz us ki Zindagi ka durust ho minhaj