Zaat e Wala Pe Baar Baar Darood

Zaat-e-wala pe baar baar durood Baar baar aur beshumar durood

Ru-e-anwar pe noor baar salaam Zulf-e-athar pe mushkbar durood

Is mehak par shamim-baiz salaam Is chamak pe farogh-baar durood

Un ke har jalwa par hazaar salaam Un ke har lam'a par hazaar durood

Un ki tal'at pe jalwa-rez salaam Un ki nakhat pe atar-baar durood

Jis ki khushbu bahaar-e-khuld basaye Hai woh mehboob-e-gul-e-azaar durood

Sar se pa tak karor baar salaam Aur sarapa pe beshumar durood

Dil ke hamrah hon salaam fida Jaan ke saath ho nisaar durood

Charah-e-jaan dard-mand salaam Marham-e-seena-e-figaar durood

Why Screenshot When You Can Download? Get the App for Efficient Storage!

Be-adad aur be-adad tasleem Beshumar aur beshumar durood

Baithte uthte jaagte sote Ho ilahi mera shi'aar durood

Shahryar-e-rusul ki nazr karoon Sab duroodon ki tajdar durood

Gor-e-bekas ko shama se kya kaam Ho chiragh-e-sar-e-mazaar durood

Qabr mein khoob kaam aati hai Bekason ki hai yaar-e-ghaar durood

Unhein kis ki durood ki parwah Bheje jab un ka kirdigar durood

Hai karam hi karam ke sunte hain Aap khush ho ke baar baar durood

Jaan nikle to is tarah nikle Tujh par aye ghamzadon ke yaar durood

Dil mein jalwe base huye tere Lab se jaari ho baar baar durood

Aye Hassan khar-e-gham ko dil se nikaal Ghamzadon ki hai ghamgusar durood