Aye Madine Ke Tajdar Salaam

Ae Madine ke tajdar ﷺ salam Ae ghareebon ke ghamgusar salam

Teri ek ek ada pe ae pyare So dunya-o-deen fida hazaar salam

Rab-e-sallam ke kehne wale par Jaan ke saath ho nisar salam

Mere pyare par mere Aaqa ﷺ par Meri janib se lakh baar salam

Meri bigdi banane wale par Bhej ae mere Parwardigar salam

Us panah-e-gunahgaran par Ho salam aur karod baar salam

Us jawab-e-salam ke sadqe Ta qayamat hon beshumar salam

More Lyrics, Less Storage - Install the App and Ditch the Screenshots!

Un ki mehfil mein saath le jayen Hasrat-e-jaan-e-beqarar salam

Parda mera na faash hashr mein ho Ae mere haq ke raazdar salam

Woh salamat raha qayamat mein Parh liye jis ne dil se chaar salam

Arz karta hai yeh Hasan tera Tujh pe ae khuld ki bahar salam