Amna Bibi Ka Jaya

Ya Nabi salaamun 'alayka Ya Rasool salaamun 'alayk

More Lyrics, Less Storage - Install the App and Ditch the Screenshots!

Ya Habeeb salaamun 'alayk Salawaatullahi 'alayk

Aaminah Bibi ka jaaya Baarhween tareekh aaya

Subh-e-Sadiq ne sunaya Salawaatullahi 'alayk

Assalaam ae jaan-e-aalam Assalaam imaan-e-aalam

Shah-e-deen Sultan-e-aalam Salawaatullahi 'alayk

Khatam-e-daur-e-risalat Akhtar-e-burj-e-hidayat

Faateh-e-baab-e-shafa'at Salawaatullahi 'alayk

Assalaam ae Shah-e-Aali Assalaam ummat ke wali

Arz karte hain sawali Salawaatullahi 'alayk

Nooh ke tum naakhuda ho Khalq ke mushkil-kusha ho

Sab ke tum haajat-rawa ho Salawaatullahi 'alayk

Bakhsh do meri khatayen Door hon gham ki ghatayen

Bhej do apni atayen Salawaatullahi 'alayk

Hun phansa afkaar-e-gham mein Ghir gaya ranj-o-alam mein

Der kya hai ab karam mein Salawaatullahi 'alayk

Kufr ko tum ne mitaya Khaak mein us ko milaya

Deen ka danka bajaya Salawaatullahi 'alayk

Ab to Taibah mein bulalo Hasraten dil ki nikalo

Apne bad ko bhi nibhalo Salawaatullahi 'alayk

Dil mein rang apna jamado Parda-e-ghaflat uthado

Bakht-e-khwabida jagado Salawaatullahi 'alayk

Jaan nikle is tarah par Aap ka dar ho mera sar

Saamne ho qabr-e-Anwar Salawaatullahi 'alayk

Jaankani ke waqt aana Kalima-e-Tayyab sikhana

Chehra-e-Anwar dikhana Salawaatullahi 'alayk

Ae Shafee-e-roz-e-mahshar Hain siyah isyaan se daftar

Ghaus ka sadqa karam kar Salawaatullahi 'alayk

Kuch na ki hum ne kamai Umr sab yunhin ganwai

Ae Arab wale duhai Salawaatullahi 'alayk

Hashr mein tum bakhshwana Apne daaman mein chupana

Har museebat se bachana Salawaatullahi 'alayk

Ae Shahanshah-e-risalat Hain yahan jo Ahle-Sunnat

Ta-abad sab par ho rahmat Salawaatullahi 'alayk

Deen ka ho bol bala Sunniyon ka rukh ujala

Dushmanon ka munh ho kala Salawaatullahi 'alayk

Baani-e-mehfil ki Aaqa Iltija maqbool farma

Poori ho har ik tamanna Salawaatullahi 'alayk

Is Jameel Qadri par Ho karam Mehboob-e-Daawar

Chashm-o-dil kardo munawwar Salawaatullahi 'alayk