Mein Naara e Mastana Mein Shokhi e Rindana

Main na’ra-e-mastana mein shaukhi-e-rindana Main tishna kahan jaaun pee kar bhi kahan jana

Main ta’ir-e-lahooti mein jauhar-e-malakooti Nasooti ne kab mujh ko is haal mein pehchana

Main soz-e-mohabbat hoon mein ek qayamat hoon Main ashk-e-nadamat hoon mein gauhar-e-yak dana

Kis yaad ka sehra hoon kis chashm ka darya hoon Khud Toor ka jalwa hoon hai shakal-e-Kaleemana

More Lyrics, Less Storage - Install the App and Ditch the Screenshots!

Main sham-e-furozan hoon mein aatish-e-larzan hoon Main sozish-e-hijran hoon mein manzil-e-parwana

Main husn-e-mujasam hoon mein gesu-e-barham hoon Main phool hoon shabnam hoon mein jalwa-e-janana

Main Wasif basmal hoon mein raunaq-e-mehfil hoon Ek toota hua dil hoon mein shehr mein veerana