Khankah e Chisht Mein Jis Ne Qadam Pehla Rakha

Khanqah-e-Chisht mein jis ne qadam pehla rakha Doosra us ka qadam phir arsh-e-bala par hua

Qaba qausain us ke aage ek adna hai maqam Waan pahunch kar kuch na poochho kya se kya woh ho gaya

Naqsh-e-hasti mit gaya naam-o-nishaan sab ud gaya Saaf matla ho gaya jo tha yahan waan kuch na tha

Sakht mushkil hai dila phir us ka aana us taraf Warna un murdon mein hai jin ko Masiha ne jila

No Internet? No Problem! Get the App for Offline Lyrics!

Kya hi jee ko bhaayi hain baatein yeh teri ae Niaz Qaul-e-haq toh hum samajhte hain miyan tera kaha