Yun Toh Har Dor Mehakti Hui Neendein Laya

Yun toh har daur mehakti hui neendein laya Tera paigham magar khwab na ban paya

Tu jab aya toh mitti rooh-o-badan ki tafreeq Tu ne insaan ke khayalon mein lahu doraya

Jin ko dhundla gaye sadiyon ki ghareebi ke ghubar Un khad-o-khaal ko sone ki tarah chamkaya

Simat aya tere ik harf-e-sadaqat mein woh raaz Falsafon ne jise ta had-e-gumaan uljhaya

Instant Access to Thousands of Lyrics - Tap to Install!

Rahat-e-jaan tere khursheed-e-mohabbat ka tulu Dhoop ke roop mein hai abr-e-karam ka saya

Qasr-e-marmar se shehanshah ne az rah-e-ghuroor Teri kuliya ko jo dekha toh bohat sharmaya

Kitna ehsaan hai insaan par tera, ke usay Apni guftar ko, kirdar banana aya