Un Ki Mehak Ne Dill Ke Ghunche

اُن کی مہک نے دل کے غنچے کھِلا دیۓ ہیں جس راہ چل دیۓ ہیں کوچے بسا دیۓ ہیں

جب آگئ ہیں جوش رحمت پہ اُن کی آنکھیں جلتے بجھا دیۓ ہیں روتے ہنسا دیۓ ہیں

اک دل ہمارا کیا ہے آزار اس کا کتنا تم نے توچلتے پھرتےمُردے جِلا دیۓ ہیں

Instant Access to Thousands of Lyrics - Tap to Install!

ان کے نثار کوئی کیسے ہی رنج میں ہو جب یاد آ گۓ ہیں سب غم بُھلا دیۓ ہیں

ہم سے فقیر اب تو پھیری کو اٹھتے ہوں گے اب تو غنی کے در پر بستر جما دیۓ ہیں

آنے دو یا ڈبو دواب تو تمہاری جانب کشتی تمہی پہ چھوڑی لنگر اٹھا دیۓ ہیں

اللہ کیا جہنم اب بھی نہ سرد ہو گا رو رو کے مصطفیٰ نےدریابہا دیۓ ہیں

میرے کریم سے گر قطرہ کسی نے مانگا دریا بہا دیۓ ہیں دَربے بہا دیۓ ہیں

ملک سخن کی شاہی تم کو رضاؔ مسلم جس سمت آگۓ ہوسکے بٹھا دیۓ ہیں