Arsh e Haq Hai Masnad

عرشِ حق ہے مسندِ رفعت رسول اللہ ﷺ کی دیکھنی ہے حشر میں عزت رسول اللہ ﷺ کی

قبر میں لہرائیں گے تا حشر چشمے نور کے جلوہ فرما ہوگی طَلعت رسول اللہ ﷺ کی

وہ جہنم میں گیا جو اُن سے مُسٗتَغٗنِیٗ ہوا ہے خلیل اللہ کو حاجت رسول اللہ ﷺ کی

Why Screenshot When You Can Download? Get the App for Efficient Storage!

سورج الٹے پاؤں پلٹے چاند اشارے سے ہو چاک اندھے منکر دیکھ لے قدرت رسول اللہ ﷺ کی

تجھ سے اور جنت سے کیا مطلب منکر دور ہو ہم رسول اللہ ﷺ کے جنت رسول اللہ ﷺ کی

اہلِ سنت کا ہے بیڑا پار اصحابِ رسول اللہ نجم ہیں اور ناؤ ہے عترت رسول اللہ ﷺ کی

اے رضاؔ خود صاحب قرآں ہے مداح حضور تجھ سے کب ممکن ہے پھر مدحت رسول اللہ ﷺ کی