Tumhare Zare Ke Par

Tumhare zarre ke partau sitarah-e-falak Tumhare na’l ki naqis misl ziya-e-falak

Agarcha chhale sitaron se par gaye lakhon Magar tumhari talab mein thake na paye falak

Sar-e-falak na kabhi taba-e-astan pahuncha Ke ibtida-e-bulandi thi intiha-e-falak

Yeh mit ke unki ravish par hua khud unki ravish Ke naqsh-e-pa hai zameen par na saut-e-paye falak

Tumhari yaad mein guzri thi jaagte shab bhar Chali naseem, hue band deedah-e-falak

Na jaag uthein kahin ahl-e-baqi kacchi neend Chala yeh narm na nikli sada-e-paye falak

Yeh un ke jalwa ne keen garmiyan shab-e-Isra Ke jab se charkh mein hain nuqra-o-tila-e-falak

Mere Ghani ne jawaher se bhar diya daman Gaya jo kasa-e-mah le ke shab gada-e-falak

Raha jo qani-e-yak naan-e-sookhta din bhar Mili huzoor se kaan-e-gauhar jaza-e-falak

Tajammul shab-e-Isra abhi simat na chuka Ke jab se waisi hi kotal hain sabz-ha-e-falak

Khitab-e-Haq bhi hai darbab-e-khalq min ajalik Agar udhar se dam-e-hamd hai sada-e-falak

Yeh ahl-e-bait ki chakki se chaal seekhi hai Rawaan hai be-madad-e-dast aasiya-e-falak

Get Lyrics On-The-Go! Download Our App Now!

Raza yeh naat-e-Nabi ne bulandiyan bakhshein Laqab "zameen-e-falak" ka hua sama-e-falak