Toba Mein Jo Sab Se Unchi

طوبے میں جو سب سے اُونچی نازُک سیدھی نکلی شاخ مانگوں نعت نبی لکھنے کو روحِ قُدس سے ایسی شاخ

مولیٰ گُلْبُن، رحمت زہر ا،سِبْطَیناس کی کلیاں پُھول صدّیق وفاروق و عثماں ، حیدر ہر اِک اُس کی شاخ

شاخِ قامت شہ میں زلف و چشم و رخسار و لب ہیں سُنْبُل، نرگس، گُل، پنکھڑیاں قُدرت کی کیا پھولی شاخ

اپنے اِن باغوں کا صدقہ وہ رحمت کا پانی دے جس سے نخلِ دل میں ہو پیدا پیارے تیری وِلا کی شاخ

یادِ رُخ میں آہیں کر کے بن میں میں رویا آئی بہار جُھومیں نسیمیں ،نیساں برسا، کلیاں چٹکیں ، مہکی شاخ

Get Lyrics On-The-Go! Download Our App Now!

ظاہر و باطن اَوّل و آخر زیب فروع و زَین اُصول باغِ رسالت میں ہے تُو ہی گل،غنچہ، جڑ،پتّی شاخ

آلِ احمد خُذْ بیَدِیْ یا سَیّد حمزہ کن مَددی وقت خزانِ عمر رضاؔ ہو برگِ ہدیٰ سے نہ عارِی شاخ