Teri Midhah Khawan Har

Teri madh-khwan har zaban Ghous-e-Azam Tera naam momin ki jaan Ghous-e-Azam

Panah-e-ghariban teri zaat-e-wala Tera ghar hai dar-ul-aman Ghous-e-Azam

Zamana na kyonkar ho mehman ke tum ne Bichhaya hai rehmat ka khwan Ghous-e-Azam

Teri majlis-e-wa'z mein aate aksar Arab se Shah-e-Mursalan Ghous-e-Azam

Jise shak ho woh Khizr se pooch dekhe Teri majlison ka saman Ghous-e-Azam

Na le bhool kar naam bulbul chaman ka

Jo dekhe tera gulistan Ghous-e-Azam Hai bazm-e-Husain-o-Hasan tujh se roshan

Tu hai noor ka shama-dan Ghous-e-Azam Tere jad-e-amjad hain noor-e-Ilahi

Hai Noori tera khandan Ghous-e-Azam Uloom-o-fuyooz-e-Shahanshah-e-Taibah

Hain seenay mein tere nihan Ghous-e-Azam

Tere samnay halat-e-dil hai roshan Karoon zor se kyon fughan Ghous-e-Azam

Tumhari wilayat siyadat karam ka Hua shor ta-lamakan Ghous-e-Azam

Tere wa'z mein aake Shah-e-Arab ne Barhai teri izz-o-shan Ghous-e-Azam

Huye dekh kar tujh ko kafir musalman Banay sang-dil mom saan Ghous-e-Azam

Quloob-e-khalaiq ki bab-e-jinan ki Mili hain tujhe kunjiyan Ghous-e-Azam

Bukhara-o-Ajmer-o-Marehra Kaleer Yeh sab hain teri nadiyan Ghous-e-Azam

Karein jabha-saai jahan taj walay Woh hai aap ka aastan Ghous-e-Azam

Mitaye tere dar pe jo apni hasti Rahay us ka naam-o-nishan Ghous-e-Azam

Milay ab to Gulzar-e-Baghdad mujh ko Main bulbul hoon be-ashiyan Ghous-e-Azam

Milay gi hamain tere daman ke neechay Do-alam mein amn-o-aman Ghous-e-Azam

Do-alam mein hai kaun hami hamara Yahan Ghous-e-Azam wahan Ghous-e-Azam

Zara sidq-e-dil se pukaro to un ko Abhi jalwa-gar hon yahan Ghous-e-Azam

Na ho mubtala woh kabhi ranj-o-gham mein Karay jis ko tu shadman Ghous-e-Azam

Agar zikr mein tere guzray to behtar Yeh thori si umr-e-rawan Ghous-e-Azam

Milay ranj-o-afkar se mujh ko mohlat Ke hoon aap ka madh-khwan Ghous-e-Azam

Mere dam mein jab tak rahay dam rahoon main Tere zikr se tar zaban Ghous-e-Azam

Instant Access to Thousands of Lyrics - Tap to Install!

Dam-e-Soor marqad se kehta uthoon ga Wahan le chalo hain jahan Ghous-e-Azam

Hamaray qusoor-o-khata bakshwa kar Dilayen qasoor-e-jinan Ghous-e-Azam

Kiya murgh sookhi hui haddiyon ko Yeh rakhte hain taab-o-tawan Ghous-e-Azam

Jameel ab ho sakit maqam-e-adab hai Kahan tera munh aur kahan Ghous-e-Azam