Tajdar e Ambiya Se Lo Lagana Chahiye

Tajdar-e Anbiya se lagana chahiye Is tarah soye muqaddar ko jagana chahiye

Jis tarah ho jaise bhi ho dar pe jana chahiye Qissa-e-Gham apne Aaqa ka sunana chahiye

Daaman-e Umeed bhar jayenge rehmat se sabhi Sarwar-e-Kainat ki mehfil mein aana chahiye

Your Lyrics, Even Offline - Install the App for Free!

Chahte ho tum jo taskeen-e-dil-jaan dahr mein Jashn-e Milad Nabi ghar mein manana chahiye

Rauza-e-Sarkar se aati hai pahem yeh sada Aasiyo tum ko meri chokhat pe aana chahiye

Chashm-e-tar ho aur ho naat-e Nabi lab par saji Aap ke darbaar mein yoon aana jana chahiye

Haath bandhe arz karna zaayiru darbaar mein Ab Niyaazi ko bhi chokhat pe bulana chahiye