Sar Mera Aap Ki Dehleez Se

سر مرا آپؐ کی دہلیز سے جب لگتا ہے سانس لینا بھی مجھے سوء ادب لگتاہے

بات کرتے ہوئے دیکھا ہے نبیؐ کو میں نے ہر سخن ترجمہء آیہء رب لگتا ہے

صُلب آدم سے بھی پہلے تھا محمدؐ کا وجود نور خلّاقِ جہاں اُن کا نسب لگتا ہے

میرے آقاؐ کی حضوری میں کشش ہے کتنی سر سے پیروں تلک انسان طلب لگتا ہے

دیکھتا ہوں انھیں ہر سانس پہ آتے جاتے حجرہ روح بھی صحرائے عرب لگتا ہے

در و دیوار حرم بھی پڑھا کرتے ہیں درود چُپ کا انداز بھی پیرایہء لب لگتا ہے

کوئی بیماری باطن نہیں رہنے پاتی آپؐ کا دھیان بھی ذہنوں کا مطب لگتا ہے

کتنے دن رہ کے مدینے میں مظفر دیکھا گلی کوچوں کا نظارہ بی غضب لگتا ہے