Samjha Nahi Hanuz

سمجھا نہیں ہنوز مرا عشقِ بے ثبات تو کائناتِ حُسن ہے یا حُسنِ کائنات

جو ذکر زندگی کے فسانے کی جان ہے وہ تیرا ذکرِ پاک ہے اے زینتِ حیات

اک خالقِ جہاں ہے تو اک مالکِ جہاں اک جانِ کائنات ہے اک وجہِ کائنات

بزمِ حدوث سے ہے مقدم ترا وجود خالق کے بعد کیوں نہ مکرم ہو تیری ذات

اب تک سجی ہوئی ہے ستاروں کی انجمن اس انتظار میں کہ پھر آئیں وہ ایک رات

ارشاد مارمیت سے ظاہر ہوا یہ راز ہے کبریا کا ہاتھ رسولِ خدا کا ہاتھ

اعظمؔ میں ذکرِ شاہِ زمن کیسے چھوڑ دوں میرے لیے تو ہے یہی سرمایہء حیات