Rukh Se Kaakal Hata Diya

Rukh se kaakal hata diya tu ne Sab ko be-khud bana diya tu ne

Shab ko milne ki de ke ik umeed Sab ko shab bhar jaga diya tu ne

Rukh-e-zeba ki ik jhalak se Habib Raat ko din bana diya tu ne

Koi armaan ab nahin baqi Khaak mein sab mila diya tu ne

Na rahi kuch khabar sar-o-pa ki Jaam aisa pila diya tu ne

Meri baaton pe log hanste hain Kya tamasha bana diya tu ne

Stop Wasting Storage - Download Lyrics in Lightweight Text Format!

Ta-qayamat kabhi na achha ho Rog aisa laga diya tu ne

Koi aawaaz ab nahin bhati Raag aisa suna diya tu ne

Apne chehre ke ek darshan mein Mujh ko kya kya dikha diya tu ne

Kuch nahin yaad ab to Arabi ko Yaad jo tha bhula diya tu ne