Rooh o Badan Mein, Qol o Amal Mein, Kitne Jameel Hain Aap

Rooh-o-badan mein, qaul-o-amal mein kitne jameel hain aap Insaan hai masjood-e-malaik, us ki daleel hain aap

Aap ki ek ek baat kalam-e-Ilahi ki tafseer Quran to ijmāl-e-baleeh hai, aur tafseel hain aap

Aap naveed-e-Isa ؑ bhi hain, muzdah-e-Musa ؑ bhi Aap eesar-o-wafa ke waris, sibt-e-Khalil hain aap

Never Be Without Your Favorite Lyrics - Get the App for Offline Access!

Aap ke zikr se khulte jaayen, raaz jahanon ke Qadam qadam par wujood-o-adam mein sab ke kafeel hain aap

Makkah-o-Taif ki galiyon mein sang-e-sitam ke hadaf Badr-o-Hunain ke maidaanon mein batal-e-jaleel hain aap

Roz-e-azal, insaan ko Khuda ne ek manshoor diya Aur isi manshoor-e-hidayat ki takmeel hain aap

Kitne yaqeen se barhta jaaye aap ki simt Nadeem Us ko kya andesha-e-shab, jis ki qandeel hain aap